Ishq Mujh Ko Nahi Wehshat Hi Sahi

Ishq mujh ko nahi wahshat hi sahi

meri wahshat teri shohrat hi sahi

عشق  مجھ  کو  نہیں  وحشت  ہی  سہی

میری  وحشت  تری  شہرت  ہی  سہی

qata kije na talluq ham se

kuch nahi hai to adawat hi sahi

قطع  کیجے  نہ   تعلّق  ہم  سے

کچھ  نہیں  ہے  تو  عداوت  ہی  سہی

mere hone mein hai kya ruswai

Ae wo majlis nahi khalwat hi sahi

میرے  ہونے  میں  ہے  کیا  رسوائی

اے  وہ  مجلس  نہیں  خلوت  ہی  سہی

ham bhi dushman to nahi hain apne

gair ko tujh se mohabbat hi sahi

ہم  بھی  دشمن  تو  نہیں  ہیں  اپنے

غیر  کو  تجھ  سے  محبّت  ہی  سہی

apni hasti hi se ho jo kuch ho

agahi gar nahi gaflat hi sahi

اپنی  ہستی  ہی  سے  ہو  جو  کچھ  ہو

آگہی  گر  نہیں  غفلت  ہی  سہی

umr har chand ki hai barq-e-khiram

dil k khun karne ki fursat hi sahi

عمر  ہر  چند  کہ  ہے  برق  خرام

دل  کے  خوں  کرنے  کی  فرصت  ہی  سہی

ham koi tarq-e-wafa karte hain

na sahi ishq musibat hi sahi

ہم  کوئی  ترکِ  وفا  کرتے  ہیں

نہ  سہی  عشق  مصیبت  ہی  سہی

kuch to de ai falak-e-nainsaf

ah-o-fariyad ki rukhsat hi sahi

کچھ  تو  دے  اے  فلکِ  نا  انصاف

آہ  و  فریاد  کی  رخصت  ہی  سہی

ham bhi taslim ki khu dalenge

beniyazi teri adat hi sahi

ہم  بھی  تسلیم  کی  خو  ڈالیں  گے

بے  نیازی  تری  عادت  ہی  سہی

yar se cheda chali jaye "Asad"

gar nahi wasl to hasrat hi sahi

یار  سے  چھیڑ  چلی  جائے  اسدؔ

گر  نہیں  وصل  تو  حسرت  ہی  سہی

Poet : Ghalib